Дагъыстан икъалэхэу Дербентрэ Махачкаларэ террористическэ актхэр зэращызэрахьагъэр Адыгэ Респуб­ликэм инахьыжъхэм я Совет гукъао щыхъугъ. ХэбзэухъумэкIо къулыкъу­хэм яIофышIэхэр, Православнэ чылысым ипащэу Николай ыкIи нэмыкIхэр ахэм ахэкIодагъэх. Фашизмэм иидеологхэм лъэпкъ, дин- зэгурыIоныгъэу шъо­лъырым илъыр зэщагъакъо ашIои­гъуагъ.

Адыгэ Республикэм инахьыжъхэм я Совет ицыхьэ телъ Дагъыстан ис цIыфхэр общественнэ-политикэ Iофхэр шъолъырым щызэIызыгъахьэ, лIэшIэгъу пчъагъэ хъугъэу зэгурыIохэу ащ щыпсэурэ лъэпкъхэр зэпэIапчъэ зышIы зышIоигъо зэщыгъэкъокIо кIуа­чIэхэм апэуцужьынхэ зэралъэкIыщтым. БзэджашIэхэм япэсыгъэ пщыныжь ягъэхьыгъэн фае.
Терактым хэкIодагъэхэм ягупсэхэмрэ яIахьылхэмрэ тафэтхьаусыхэ, ащ хэфыкъухьагъэхэм япсауныгъэ псынкIэу зэтеуцожьынэу тафэлъаIо.
ГъукIэлI Нурбый.
Адыгэ Республикэм инахьыжъхэм я Совет и Тхьамат.