ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» зичэзыу ешIэгъоу республикэм икъэлэ шъхьаIэ щыриIа­гъэм текIоныгъэр къыщыдихыгъ. Командэу «Рубин Ялта» тихьэкIагъ.

«Зэкъошныгъ» — «Рубин Ялта» — 3:0 (1:0).
Зэкъошныгъэм щешIагъэх: А. Габлия, М. Ягьяевыр, М. Къэб­жьыр, Д. Савиных, И. Оразаевыр, У. Магомедбековыр, З. Коблыр (Д. Антоненкэр), Ш. Гайдаровыр, М. Коломийцевыр (К. Юшко), Н. Сергеевыр (К. Аухадеевыр), А. Делэкъор (А. Зезэрахьэр).
Къэлапчъэм Iэгуаор дэзы­дзагъэхэр: А. Делэкъор, Д. Антоненкэр, А. Зезэрахьэр.
Къырым икомандэ Урысыем ипервенствэ зыхэлажьэрэм щыублагъэу зыкIи «Зэкъошныгъэм» къытекIон ылъэкIыгъэп. Мызэгъэ­гуми арэущтэу хъугъэ. Бысымхэм зэнэкъокъум яплIэнэрэ чIыпIэр щаубытыщтыгъ, Адыгеим икомандэ я 15-м щытыгъ. Ау бысымхэм ухьазырыныгъэ дэгъу къагъэлъэ­гъуагъ, текIоныгъэм нахь лъэшэу фэбэнагъэх. Апэрэ такъикъым пчъагъэр къызэIуихыгъ «Зэкъошныгъэм» икапитанэу Делэкъо Аскэр. ХьакIэхэр ащ къезэгъыгъэхэп ыкIи ыпэкIэ нахь илъхэу аублагъ. Ау къадэхъугъэ щыIэп. Я 43-рэ такъикъым «Рубин Ялта» щешIэрэ Вадим Зубавленкэр судья шъхьаIэм дысэу зэрэдэгущыIагъэм къыхэкIэу ешIапIэм рагъэкIыгъ. Ар бысымхэм дэгъоу къызфагъэфедагъ. Даниил Антоненкэмрэ Зэзэрэхьэ Артуррэ гъогогъу зырызэ къэлапчъэм Iэ­гуаор дадзагъ, 3:0-у зэIукIэгъур аухыгъ.
Турым изэфэхьысыжьхэр:
«Легион» — «Форте» — 0:0, «Спартак-Налщык» — «Динамо-2» — 2:0, «Биолог-Новокубанск» — «Ростов-2» — 0:3, «Ангушт» — «Алания-2» — 2:0, «Зэкъошныгъ» — «Рубин Ялта» — 3:0, «Нарт» — «Строитель» — 2:1.

Командэхэр зыдэщыт чIыпIэхэр ыкIи очко пчъагъэу рагъэкъугъэр:
1.«Ростов-2 – 29.

2. Форте» — 27.
3. «Астрахань» — 26.
4. «Рубин Ялта» — 25.
5. «Легион» — 24.
6. «Динамо Ставрополь» — 23.
7. «Севастополь» — 22.
8. «Ангушт» — 21.
9. «Нарт» — 19.
10. «Спартак-Налщык» — 19.
11. «Строитель» — 19.
12. «Биолог-Новокубанск» — 18.
13. «Кубань Холдинг» — 16.
14. «Зэкъошныгъ» — 14.
15. «Победа» — 12.
16. «Алания-2» — 9.
17. «Динамо-2» — 2.
    КъыкIэлъыкIощт турым къыды­хэлъытэгъэ ешIэгъур «Зэкъошныгъэм» Каменск-Шахтинскэм щыриIэщт. ЧIыпIэ командэу «Строитель» зыфиIорэм дешIэщт.