Лъэс зекIонымкIэ Iофтхьабзэу «Олимпийскэ маф» зыфиIорэр республикэм икъэлэ шъхьаIэ щыкIуагъ. Адыгеим, Краснодар краим, Белгородскэ, Смоленскэ ыкIи Челябинскэ хэкухэм ялIыкIохэр ащ хэлэжьагъэх.

Зипсауныгъэ зыгъэпытэ зышIоигъохэм мэфиблым къыкIоцI лъэ­бэкъу мини 100 къакIун фэягъ, зэкIэмкIи ар километри 10 мэхъу. Iофтхьабзэм нэбгыри 166-мэ зыщаушэтыгъ, ахэм ащыщэу 93-мэ пшъэрылъыр агъэцэкIагъ.
Урысыем и Олимпийскэ Комитетрэ Мыекъуапэ физическэ культурэмкIэ ыкIи спортымкIэ и Комитетрэ мыщ кIэщакIо фэхъугъэх. Ахэм ядипломхэр шапхъэхэр зыгъэцэкIагъэхэм афагъэшъошагъэх.
КъыкIэлъыкIощт марафоныр шышъхьэIум рагъэкIокIыщт, физкультурникым и Мафэ ар фэгъэхьыгъэщт.