Мэкъуогъум и 22-м Мыекъуапэ и Гупчэ мемориал Iофтхьабзэ щыкIуагъ. ЕгъэшIэрэ машIом къэгъагъэхэр кIэлъыралъхьагъэх. Хэгъэгу зэошхор къызэрежьэгъагъэр, къэралыгъом ишъхьафитыныгъэ пае зыпсэ зытыгъэхэр шъыгъо-шIэжь мафэм агу къагъэкIыжьыгъэх.

Iофтхьабзэм хэлэжьагъэх АР-м иминистрэхэм я Кабинет и Тхьаматэу КIэрэщэ Анзаур, АР-м и Къэралыгъо Совет – Хасэм и Тхьаматэ игуа­дзэу Цэй Эдуард, федеральнэ инспектор шъхьаIэу Сергей Дрокиныр, хабзэм игъэцэкIэкIо, ихэбзэихъухьэ, ихьыкум къулыкъухэм, республикэм имуниципалитетхэм, ветеран организациехэм, ныбжьыкIэ, дзэ-патриотическэ клубхэм, гуфэкIо объединениехэм ялIыкIохэр.
КъэIогъэн фае Урысые Iофтхьабзэу «ШIэжьым ишэф остыгъ» зыфиIорэм диштэу Гупчэ мемориалми, Адыгеим имемориальнэ комплексхэми ыпаIокIэ Iофтхьабзэхэр зэращыкIуагъэхэр.
Джащ фэдэу республикэм имуниципалитет пстэуми митингхэр ащыкIуагъэх. Републикэм щыпсэухэрэм тичIыпIэгъу мин 80 фронтым зэрэIухьэгъагъэр, ахэм ащыщэу нэбгырэ мин 30-м ехъур Хэгъэгу зэошхом зэрэхэкIодагъэр агу къагъэкIыжьыгъ. Адыгеим щыщ нэбгырэ 59-мэ Советскэ Союзым и ЛIыхъужъыцIэ къа­фаусыгъ, Щытхъум иордени 3 къафагъэшъо­- шагъ.