СамбэмкIэ Урысыем ипервенствэ мэкъуогъум и 19-м щегъэжьагъэу и 24-м нэс къалэу Кемерово щыкIуагъ. Илъэс 14 – 16 зыныбжь кIалэхэм ыкIи пшъашъэхэм ащ зыщаушэтыгъ.

Урысыем икомандэ хэхьанхэмкIэ мы зэнэкъокъур хэшыпыкIыгъэ едзыгъоу щытыгъ. Адыгеир бэнэкIуи 7-мэ къагъэлъэгъуагъ.
Къэралыгъом ишъолъырхэм зэкIэми къарыкIыгъэ спортсмен 700 фэдиз турнирым хэлэжьагъ. Адыгэ Республикэм илIыкIоу Цэй Алый килограмм 53-м нэс къэзыщэчыхэрэм якуп щыбэнагъ ыкIи джэрз медаль къыхьын ылъэ­кIыгъ. Ащ итренерых Р.Н. Джарымэкъор ыкIи А.Н. Джарымэкъор. Алый ыкIи ар зыгъа­сэхэрэм тафэгушIо, тиспортсмен ныбжьыкIэ тапэкIи гъэхъэгъэшIу­хэр ышIын­хэу фэтэIо.
Команднэ первенствэм Къыблэ федеральнэ шъолъырым ящэнэрэ чIыпIэр къыщыдихыгъ, ащ очко 27-рэ ригъэкъугъ. ТекIоныгъэр къыдэзыхыгъэр Поволжскэ федеральнэ шъолъырыр ары.