АР-м и Къэралыгъо Совет — Хасэм и Тхьаматэу Владимир Нарожнэм партиеу «Единэ Россием» икъотэгъухэм я Штаб цIыфхэр ригъэблэгъагъэх.

Республикэ Парламентым ипа­щэ мы мафэм зыкъыфэзыгъэзагъэхэр нахьыбэу чIыгу Iахь гъунапкъэхэм ягъэнэфэн, цIыфым чIыгур иунаеу ыгъэпсыным тхылъэу ищыкIагъэхэм япхыгъэ Iофхэм агъэгумэкIыщтыгъэх.
Джащ фэдэу мы мафэм Владимир Нарожнэмрэ «Народнэ фронтым» ишъолъыр гъэцэкIэкIо комитет ипащэу, Парламентым идепутатэу Юрий Гороховымрэ закъыфигъэзагъ гуфэкIо купэу «Сетевой плацдарм» зыфиIорэм ипащэу Елена Кутимскаям. Ащ къызэриIуагъэмкIэ, хэушъхьафыкIыгъэ дзэ операцием хэлажьэхэрэм апае хъытыухэр ашIых, ащ зырагъэушъомбгъунышъ, нахьыбэу атIупщынэу фаех, ау ежьмэ язакъоу акIуачIэ къыхьыщтэп. Ащ фэшI ахъщэ IэпыIэгъу къыкIэлъэIух.
ЗэуапIэм щыIэ дзэкIолIхэм ящыкIагъэу зыфаIорэм фэди-
зыр агъэхьазырышъ атIупщы. Илъэс хъугъэ ащ зыпылъхэр, квадрат метрэ мин 11-м ехъу хъытыу ашIи аIакIагъэхьагъ.
Парламентым ипащэ гуфа­кIо­хэр, зэкIэ республикэм исхэр тидзэкIолIхэм IэпыIэгъу зэра­фэхъухэрэм фэшI зэрафэразэр къыхигъэщыгъ, мы мафэм къяо­лIагъэхэм гумэкIыгъоу яIэхэр дэгъэзыжьыгъэнхэм ежь ышъхьэкIэ ынаIэ зэрэтетыщтым къыкIигъэтхъыгъ.
ХЪУТ Нэфсэт.