ИкIыгъэ чэщым Адыгеим и Тэхъутэмыкъое район пилот зэрымыс быбырэ пкъыгъохэр джыри къибыбагъэх — псэу­пIэхэу Козэт, Но­вэм ыкIи
Яблоновскэм ахэр ащагъэунэфыгъэх.
Яблоновскэм дэт унэхэм ащыщ ышъхьэ ыгъэфыкъуагъ, цIыфхэм иягъэ якIыгъэп.
«ШIокI имыIэу унагъом Iэпы­Iэгъу едгъэгъотыщт. Ащ фэ­гъэ­хьыгъэ пшъэрылъ район па­щэм иI», — къащитхыгъ исоциальнэ нэкIубгъохэм Адыгеим и ЛIы­шъхьэ.
ЧIыпIэхэм оперативнэ къулы­къухэм Iоф ащашIэ.
Пилот зэрымыс быбырэ пкъыгъохэр е ахэм ябэнырэ зыкъэухъумэжьын системэм Iоф зэришIэ­рэр шъулъэ­гъугъэхэмэ, шъузэрэзекIон фаем ухъу­мэкIо къулыкъухэм шъущагъэгъуазэ:
Быбырэ пкъыгъо шъу­лъэгъугъэмэ, телефонэу 112-мкIэ шъутеу, ар ­зыщыхъурэ чIыпIэм фэ­гъэхьыгъэ къэбарыр алъы­жъугъэIэс.
Быбырэ пкъыгъо­хэмрэ ахэм якъеутэхын те­гъэпсыхьэгъэ систе­мэм Iоф зэришIэрэмрэ ате­хыгъэ сурэтхэмрэ видео­хэмрэ, ­мессенджерхэмрэ социальнэ хъытыухэмрэ къары­шъумгъахьэх, анахьэу чIыпIэу зыщытехыгъэр къэ­лъагъоу (къызэра­шIэ­жьын алъэкIыщтхэр итхэу). Ащ фэдэ техыгъэхэм УФ-м и УIэшыгъэ КIуа­чIэхэр зы­дэщытхэр къычIагъэщы­шъущт ыкIи дзэ, граждан объектхэм джыри зэ пыир къатебэнэ­шъущт. Ар цIыфхэм ящыIэныгъэрэ япсауныгъэрэкIэ щынагъо, джащ фэдэу уголовнэ пшъэдэкIыжьи пылъ.
Социальнэ хъытыухэмрэ мессенджер­хэмрэ ­къарыхьагъэхэр шъу­лъэгъугъэхэмэ, ахэм къа­патхыхьэрэм упчIэхэу арытхэм яджэуап яшъу­мытыжь. Пыим а сурэтхэмрэ видео­хэмрэ чIыпIэм «пешIэх» ыкIи ошъогу зы­къэухъумэжьын системэр зыдэщыIэр зэрегъашIэ.
Ошъогу зыкъэухъу­мэ­жьын системэр зы­дэ­щытым, Iоф зэришIэ­рэм, быбырэ пкъыгъом ­икъутафэхэм сурэт е видео атезыхыхэрэр зышъулъэ­гъухэкIэ,ахэр социальнэ хъы­тыухэм къарызыгъахьэ-
хэ­рэр зышъушIэкIэ, хэбзэ­ухъу­мэкIо е хэушъхьафы­кIыгъэ къулыкъухэм макъэ яжъугъэIу. Лъэтемыт къулыкъум изыкI номер — 112-рэ.
Къутафэхэм шъуакIэ­лъырымыхь, гаджетхэр хэгъэнагъэхэу ахэм уаIуты хъущтэп.
ХэушъхьафыкIыгъэ ыкIи хэбзэухъумэкIо къулы­къухэр къэсыфэхэ ящэ­нэрэ цIыфхэр амал зэриIэу къута­фэхэм акIэрышъум­гъахьэх.
Пилот зэрымыс быбырэ пкъыгъор шъуалъэныкъо къэбыбымэ:
урамым шъутетмэ: псэо­лъэ пытэхэм ащыщ зыщыжъугъэбылъ, ащ фэдэ щымыIэмэ, чIыгум шъутегъуалъхь;
унэм е IофшIапIэм: ­шъхьангъупчъэ зыхэмылъ унэ кIоцIым е ­шъхьангъупчъэр зыхэлъым ыуж къикIырэ дэп­къым ыкIыб зыщышъуухъум;
автомобилым: ащ шъу­къикI, анахь благъэу
щыт унэм е нэмыкI псэо­лъэ пы­тэм ыкIыб зышъушI, ащ фэдэ щымыIэмэ, чIыгум шъутегъуалъхь.