ЦIыфхэм общественнэ IэпыIэгъу ягъэгъотыгъэнымкIэ Адыгеим и Штаб медицинэ профилактикэмкIэ республикэ Гупчэм псауныгъэм икъэгъэлъэгъон шъхьаIэхэмкIэ уплъэкIун псынкIэхэр щызэхищагъэх.

Анахьэу анаIэ зытырадзэрэр лъым хэлъ шъоущыгъумрэ холестеринымрэ яшапхъ, лъыдэкIуаер зынэсырэр, гур ыкIи жьыкъэщэпIэ системэр, джащ фэдэу психологми зэдэгущыIэгъу дашIын алъэкIы. Общественнэ движениеу «НыбжьыкIэ Гвардием» хэтхэри уплъэкIунхэмкIэ IэпыIэгъу къафэхъух.
«ЗэкIэхэми тыщыгъуаз псауныгъэ зэрылъ унагъор зэрэнасыпышIом. Ащ фэшI узыр хэмыужъыныхьэзэ къыхэбгъэщыни, ар бгъэхъужьын фае», — къыхигъэщыгъ общественнэ псауныгъэмкIэ ыкIи медицинэ профилактикэмкIэ Адыгэ республикэ Гупчэм иотделение ипащэу Джульета Керим-Заде.
Статистикэм къызэригъэлъэгъуагъэмкIэ, мыщ фэдэ уплъэкIунхэр зышIырэ цIыфхэм ащыщыбэр апэрэу щыгъуазэ мэхъух шъоущыгъоу ыкIи холестеринэу лъым хэлъыр шапхъэхэм ашъхьэдэкIыгъэхэу зэрэщытым, джащ фэдэу гу-лъынт­фэ узхэр зиIэхэри мымакIэу къыхагъэщых. Мыщ фэдэ Iофтхьабзэхэр Штабым бэрэ щызэхащэх, ащ зыхязыгъатхэ зышIоигъохэр «линие плъырым» ителефон теохэми хъущт: 8 (8772) 52-76-03 е Мыекъуапэ иурамэу Пролетарскэм тет унэу N 449-м екIолIэнхэ алъэкIыщт.
Сурэтыр: медицинэ профилактикэмкIэ Гупчэр.