Тыгъосчэщ Тэхъутэмыкъое районым ипсэупIэу Инэм пилот зэрымыс быбырэ пкъыгъоу къытебыбагъэхэм апкъ къикIэу чIыдэгъэ ухъумапIэм къыкIэнагъ.
«Пчэдыжьым сыхьатыр 6-м ехъулIэу къэгъэнэжьакIохэм машIор агъэкIосагъ. Ащ зэлъиубытыгъагъэр квадратнэ метрэ 400-м нэсы. Хъугъэ-шIагъэм цIыф хэкIодагъэп ыкIи псэупIэм дэсхэм ящыIэныгъэкIэ щынагъо щыIэп, чIыпIэм оперативнэ штабым Iоф щешIэ», — къащитхыгъ исоциальнэ нэкIубгъо­хэм Адыгеим и ЛIышъхьэу КъумпIыл Мурат.
Зы чэщым къыкIоцI Урысыем ишъолъыр зэфэшъхьафхэм пилот зэрымыс быбырэ пкъыгъо 15 къащыраутэхыгъ, мыхэм ащыщэу 6-р — Адыгеим, къытыгъ Урысые Федерацием зы­къэухъумэжьынымкIэ и Министерствэ.