Мы мафэхэм къэбарлъыгъэIэс амалхэм къы­зэратыгъэмкIэ, Саудовскэ Аравием икъалэу Меккэ хьадж щашIызэ, къэралыгъо зэфэшъхьафхэм къарыкIыгъэ быслъымэн нэбгырэ мин фэдиз хэкIодагъ. Анахьыбэу зидунай зыхъо­жьыгъэхэр Египет ыкIи Иорданием къары­кIыгъэхэр ары. Урысыем икIыгъэ нэбгыри 4, зы хъулъфыгъэрэ бзылъфыгъищрэ, мыхэм
ахэт.
Ащ лъапсэ фэхъугъэу къаIорэр фэбэшхоу щыIэр ары, зыныбжь хэкIотагъэхэм ар афэщыIэрэп.
Урысые агентствэм къызэритырэмкIэ, зидунай зыхъожьыгъэхэм ащыщ Дагъыстан щыщ илъэс 69-рэ зыныбжь хъулъфыгъэр. Ащ гу-­лъынтфэ уз иIагъ, хьадж ышIызэ, икъарыу къымыхьэу зызэхафэм, цIыфыбэмэ апIытIыгъ. Джащ фэдэу илъэс 62-рэ зыныбжь бзылъ-­
фыгъэу Подмосковьем щыщым идунай ыхъо­жьыгъ. Ахэр Меккэм щагъэтIылъыжьыщтых.
КъэIогъэн фае, Адыгэ Республикэм ыкIи Пшызэ шъолъыр ащыпсэурэ быслъымэн нэбгыри 104-рэ мы мафэхэм Чабэм щыIэх. Ахэм якъэбар тыщигъэгъозагъ муфтиеу Къэрдэн Аскэрбый. Ащ къызэриIуагъэмкIэ, ахэм зэпхыныгъэ ренэу адыряI, зэкIэри псаух, узынчъэх. Мэкъуогъум и 23-м къэбыбыжьынхэу щыт. ЯтхьэлъэIухэр къадэхъунхэу, ягъогу дахэу къа­гъэзэжьынэу муфтиир афэлъаIо.
КIАРЭ Фатим.