Медалищ къахьыгъ
Щэбзэ щэрыонымкIэ ЦIэмэз (Новороссийскэ) щыкIогъэ зэнэкъокъухэм Адыгеим испортсменхэм медалищ къащахьыгъ.
Республикэр къэзыгъэлъэгъуагъэхэр къэлэ спорт еджапIэу В. С. Максимовым ыцIэ зыхьырэм зыщызыгъасэхэрэр ары.
Краснодар краим изэIухыгъэ зэнэкъокъоу «Малая земля» зыфиIорэр илъэси 10-м ехъугъэу зэхащэ. Мызыгъэгум рагъэкIокIыгъэм нэбгыри 100-м нахьыбэ хэлэжьагъ.
Зэфэхьысыжьхэм къызэрагъэлъэгъуагъэмкIэ, республикэм илIыкIохэу Иван Лемешевымрэ Софья Фирсановамрэ хагъэунэфыкIырэ чIыпIэхэр къыдахыгъэх. Джащ фэдэу Адыгеим икомандэ (микст) тыжьын медаль къыфагъэшъошагъ. ТекIоныгъэр къыдэзыхыгъэр бысымхэр ары.