Спорт гимнастикэмкIэ зэнэкъокъухэр Новороссийскэ щыкIуагъэх. Хабзэ зэрэхъугъэу, Адыгеим илIыкIохэм дэгъу дэдэу зыкъагъэлъэгъуагъ, хагъэунэфыкIырэ чIыпIэхэр къыдахыгъэх.

Турнирэу «Жемчужина юга» зыфиIорэм хэлэжьагъэх Анапэ, Краснодар, Мыекъуапэ, Новороссийскэ, Славянск-на-Кубани, Шъачэ, нэмыкI чIыпIэхэм къарыкIыгъэ гимнастхэр.
Апэрэ ныбжьыкIэ спорт разрядым ипрограммэкIэ текIоныгъэр къыдахыгъ Мыекъуапэ илIыкIохэу Арина Кальченкэмрэ Диана Ивановамрэ. ЯтIонэрэ спорт разрядым ипрограммэкIэ апэрэ чIыпIэр къафагъэшъошагъ Аделина Зелинскаямрэ Мила Ходыкинамрэ.
Типшъашъэхэм спорт еджапIэу В. С. Максимовым ыцIэ зыхьырэм зыщагъасэ, ятренер-кIэлэегъаджэр ХьакIмэфэ Светлан.