ФутболымкIэ Адыгеим ичемпионатрэ ипервенствэрэ яапэрэ къекIокIыгъо аухынкIэ бэп къэнагъэр.

Чемпионатым джырэ уахътэм пэрытныгъэр щызыIыгъыр Красногвардейскэ районым икомандэу «Кавказ Адэмый» зыфиIорэр ары. Ащ ешIэгъуи 5 иIагъ, зэкIэри къыхьыгъэх. ЯтIонэрэ ­чIыпIэм щытыщтыр къэшIэгъуае. «Чэчэнаир» мэкъуогъум и 22-м «Урожаим» дешIэщт. Теуцожь районым икомандэ текIоныгъэр къыздихыкIэ, ятIонэрэ чIыпIэм уцущт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

• 1. «Кавказ Адэмый» — 15.
• 2. «АГУ» — 9.
• 3. «Чэчэнай» — 7.
• 4. «Кощхьабл» — 5.
• 5. «Урожай» — 4.
• 6. «Мыекъуапэ» — 0.
  НыбжьыкIэхэм япервенствэ апэрэ чIыпIэр щызыIыгъыр Кощ­хьэблэ районым икоманд ары. Мэкъуогъум и 17-м ар Тэхъутэмыкъое районым IукIагъ ыкIи 2:0-у текIоныгъэр къыдихыгъ. Къэлапчъэм Iэгуаор дэзыдзагъэ­хэр Джамырзэ Иналрэ Шэуджэн Ислъамрэ. ЯтIонэрэ чIыпIэм щыт «Мыекъуапэ». Апэрэ къекIокIыгъом иаужырэ зэIукIэгъур къуа­джэу Пэнэжьыкъуае щыкIощт, «Чэчэнаимрэ» «Урожаимрэ» зэдешIэщтых. Ащ ыуж командэхэм гъэмэфэ зыгъэпсэфыгъо уахътэ яIэщт, чемпионатымрэ первенствэмрэ зырагъэжьэжьыщтхэр шышъхьэIум и 10-р ары.
  Командэхэр зыдэщыт чIыпIэхэр ыкIи очко пчъагъэу рагъэкъугъэр:
• 1. «Кощхьабл» — 19.
• 2. «Мыекъуапэ» — 18.
• 3. «Тэхъутэмыкъое район» - 15.
• 4. «Кавказ» — 13.
• 5. «Урожай» — 6.
• 6. «Чэчэнай» — 6.
• 7. «Джаджэ» — 1.
• 8. «Адыгэкъал» — 1.