Къэралыгъо регистрациемкIэ, кадастрэмкIэ ыкIи картографиемкIэ Федеральнэ къулыкъум 2024-рэ илъэсым гъэтхапэм и 27-м ышIыгъэ унашъоу N П/0081/24-р зытетым 2024-рэ илъэсым Iоныгъом и 1-м кIуачIэ иIэ хъущт. Къэралыгъо геодезическэ, къэралыгъо нивелирнэ, къэралыгъо гравиметрическэ сетым, хэушъхьафыкIыгъэ мэхьанэ зиIэ геодезическэ сетьхэм япунктхэр зызэщыкъохэкIэ макъэ зэрарагъэIурэ шIыкIэр мыщ щыгъэнэфагъ.

Амыгъэкощырэ мылъкоу къэралыгъо геодезическэ, къэралыгъо нивелирнэ, къэралыгъо гравиметрическэ сетым, хэушъхьафыкIыгъэ мэхьанэ зиIэ геодезическэ сетьхэм япунктхэр зытетхэр зиехэми, геодезическэ, картографическэ IофшIэнхэр зыгъэцакIэхэрэми пунктыр зэщыкъуагъэу загъэунэфырэ нэуж мэфэ 15-м къыкIоцI ППК-у «Роскадастрэм макъэ рагъэIун фае къэралыгъо геодезическэ, къэралыгъо нивелирнэ, къэралыгъо гравиметрическэ сетым, хэушъхьафыкIыгъэ мэхьанэ зиIэ геодезическэ сетьхэм япунктхэр зэрэзэщыкъуагъэ­хэмкIэ.
Геодезическэ, картографическэ IофшIэным ибагъэ емылъытыгъэу пунктыр зэщыкъуагъэу загъэунэфырэ нэуж ар зэрэзэщыкъуагъэм ехьылIэгъэ къэбарыр зэ зэраIэкIагъахьэрэр.
Къэбарыр почтэкIэ, электрон почтэкIэ, Роскадастрэм исайткIэ аIэкIагъэхьан е ашъхьэ­кIэ Роскадастрэм рахьылIэн алъэкIыщт.
2024-рэ илъэсым Iоныгъом и 1-м унашъом кIуачIэ иIэ хъущт.