Фольклорнэ-этнографи­че­скэ купэу «Ащэмэзым» твор­ческэ зэнэкъокъоу Моск­ва щыкIуагъэм те­кIо­ныгъэр къыщыдихыгъ.

«Урысыем и Къыблэ. Къэ­кIощт уахътэм изэнэкъокъу» зыфиIорэ проектэу ВДНХ щы­кIуагъэм хэлэжьагъэх Адыгеим, Къалмыкъ Республикэм, Ставропольскэ краим, Астраханскэ ыкIи Волгоградскэ хэкухэм къарыкIыгъэ профессиональнэ купхэр. «КъэкIощт уахътэр непэ тэпсыхьэ» зыфиIорэ концерт программэм Адыгеим илIыкIоу хэлэжьагъэ­хэр: АР-м лъэпкъ къашъомкIэ и Къэралыгъо ансамблэу «Нал­мэсыр», АР-м инароднэ артистэу, пщынаоу Мышъэ Ан­заур, республикэм изаслуженнэ артисткэу, орэдыIоу Даутэ Сусанэ, ижъырэ адыгэ орэд къэIонымкIэ купэу «Мыст» ыкIи фольклорнэ-этнографи­ческэ купэу «Ащэмэзыр».
Непэрэ уахътэм Адыгеим итворческэ лъэныкъо къыхэлы­дыкIырэ куп зэфэшъхьафхэмкIэ лъэпкъ культурэр зэрифэшъуашэм тетэу зэнэкъокъум къыщыгъэлъэгъуагъэу хъугъэ.
Ижъырэ адыгэ орэдэу «Си Пакъ» непэрэ шъошэ къэIуа­кIэм илъэу «Ащэмэзым» иартистхэм къаIуагъ. «Хит-Трек» зыфиIорэ едзыгъом балл ана­хьыбэ щыригъэкъуи, текIоныгъэр къыщыдихыгъ.
Купэу «Ащэмэзыр» творческэ зэхэт купэу «Ошъадэм» хахьэ. ТекIоныгъэ къыдэзы­хы­гъэ ар­тистхэм тигуапэу тафэгушIо.