ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» зичэзыу ешIэгъур къалэу Владикавказ щыриIагъ, чIыпIэ командэу «Алания-2» зыфиIорэм дешIагъ.

«Алания-2» — «Зэкъошныгъ» — 2:2 (1:0).
Зэкъошныгъэм щешIагъэх: Т. Хачировыр, Д. Савиных, И. Оразаевыр, У. Магомедбековыр, М. Ягьяевыр, З. Коблыр, Ш. Гайдаровыр, А. Зезэрахьэр (А. Хьасанэ­къор, М. Къэбжьыр), М. Коломийцевыр, Н. Сергеевыр (К. Аухадеевыр), А. Делэкъор.
Къэлапчъэм Iэгуаор дэзыдза­гъэ­­­хэр: З. Датиевыр, И. Оразаевыр, М. Коломийцевыр, Т. Четоевыр.
«Зэкъошныгъэм» ешIэкIэ дэгъу къыгъэлъэгъуагъ. Тифутболистхэм нахьыбэрэ Iэгуаор аIыгъыгъ, нахьыбэрэ къэлапчъэм дэуагъэх, шапхъэ­хэр нахь макIэрэ ­аукъуагъ.­ Ау я 10-рэ такъикъым апэрэ Iэгуаор къэлапчъэм дэзыдагъэхэр бысымхэр ары. ЯтIонэрэ таймым ия 79-рэ такъикъ Мыекъуапэ илIыкIохэм пчъагъэр зэфэдиз ашIыгъ. Ащ ыуж тIэкIу тешIагъэу тифутболистхэм пчъагъэм хагъэ­хъугъ, ау текIоны­гъэр къыдахын алъэкIыгъэп. Я 94-рэ такъикъым «Алания-2-м» щешIэрэ Тимур Четоевым пчъагъэр зэфэдиз ышIыгъ, аущтэу зэIукIэгъур ­аухыгъ.
Турым изэфэхьысыжьхэр:
«Динамо-2» — «Биолог-Новокубанск» — 1:2, «Алания-2» — «Зэ­къошныгъ» — 2:2, «Астрахань» — «Победа» — 1:0, «Форте» — «Спартак-Налщык» — 2:0, «Кубань Холдинг» — «Динамо Ставрополь» — 0:3, «Рубин Ялта» — «Нарт» — 3:0, «Строитель» — «Легион» — 2:1, «Ростов-2» — «Севастополь — 2:1.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Форте» — 26.
2. «Ростов-2» — 26.
3. «Астрахань» — 26.
4. «Рубин Ялта» — 25.
5. «Легион» — 23.
6. «Динамо Ставрополь» — 23.
7. «Севастополь» — 22.
8. «Строитель» — 19.
9. «Ангушт» — 18.
10. «Биолог-Новокубанск» — 18.
11. «Спартак-Налщык» — 16.
12. «Кубань Холдинг» — 16.
13. «Нарт» — 16.
14. «Победа» — 12.
15. «Зэкъошныгъ» — 11.
16. «Алания-2» — 9.
17. «Динамо-2» — 2.
    КъыкIэлъыкIощт турым къыдыхэ­лъытэгъэ ешIэгъур «Зэкъошны­гъэм» Мыекъуапэ щыриIэщт. Мэкъуогъум и 24-м «Рубин Ялта» тихьакIэщт.