Мафэрэ Iоф зышIэрэ гъэмэфэ лагерьхэм кIэлэцIыкIухэм Iофтхьэбзэ гъэшIэгъонхэр афызэхащэх. Мэкъуогъум и 18-м шашкэхэмкIэ ыкIи теннис цIыкIумкIэ ахэр зэнэкъокъугъэх.

Урыс шашкэхэмкIэ текIоныгъэр къыдахыгъ Мыекъуапэ игурыт еджапIэхэу N 7-мрэ N 28-мрэ якомандэхэм.

Теннис цIыкIумкIэ анахь лъэшыгъэр гурыт еджапIэу N 7-р ары. ЯтIонэрэ ыкIи ящэнэрэ чIыпIэхэр къафагъэшъошагъэх еджапIэхэу NN-у 10-мрэ 11-мрэ.

ХагъэунэфыкIырэ чIыпIэхэр къыдэзыхыгъэхэм Мыекъопэ къэлэ администрацием гъэсэныгъэмкIэ и Комитет ищытхъу тхылъхэр къаратыгъэх. ТекIоныгъэр къызфагъэшъошэгъэ командэхэм шIухьафтынхэр къалэжьыгъэх.