АР-м гъэсэныгъэмрэ шIэныгъэмрэкIэ- и Министерствэ зыкI къэралыгъо ушэтынхэмкIэ пэшIорыгъэшъ зэ­фэхьысыжьхэр шъхьаихыгъэ къы­шIыгъэх.

ЯшIоигъоныгъэкIэ къыха­хырэ предметхэмкIэ илъэс заулэ хъугъэу пэрытныгъэр обществознанием ыIыгъ. Мыгъэ ар нэбгырэ 600-м ехъумэ атыгъ. Ащ ыуж къэ­кIых биологиер, химиер, информатикэр. Балли 100 изыгъэкъугъэхэри къэнэфагъэх. Ахэр нэбгырибгъу мэхъух: 6-р — профильнэ хьи­сапымкIэ, 2-р — урысы­бзэмкIэ, зыр — химиемкIэ. ОбществознаниемкIэ, информатикэмкIэ ыкIи физикэмкIэ зэфэхьысыжьхэм джыри яжэх.
Джащ фэдэу, ушъхьагъу зэфэшъхьафхэм апкъ къикIэу, ушэтыным екIолIэн зымылъэкIыгъэхэмрэ блэкIыгъэ илъэсхэм еджапIэр къэзыу­хыгъэхэмрэ непэ хьисапыр аты. ЗыкI къэралыгъо ушэтынхэм япIэлъэ шъхьаIэ ар икIэух мэхъу. Ащ изэфэхьысыжьхэр бэдзэогъум и 1-м нахь мыкIасэу къэнэфэщтых.