Шъузэджэгъэ тхылъхэр шъуимыщыкIэгъэжьхэмэ, ахэм шъуиунэ чIыпIэ щамыгъотыжьырэмэ, ишъудзыжьынхэм шъудэмыгуI. Компаниеу «ЭкоЦентр» зыфиIорэм буккроссингэу зэхищэрэм шъухэлажьэмэ, тхылъхэм «ящыIэныгъэ» лъыжъугъэкIотэщт.

Шъолъыр операторэу «ЭкоЦентрэр» зычIэт унэм «уцышъо мэкIайкIэ» зэджагъэ­хэр къыщызэIуахыгъ, ащ шъуитхылъхэр тешъулъхьанхэ ыкIи шъугу рихьыгъэ нэ­мыкI тхылъхэр тешъухынхэ шъулъэкIыщт. ЗыдэщыIэр: къалэу Мыекъуапэ, урамэу Пионерскэм иунэу N 297-рэ.
Буккроссинг Iофыр къызэрыкIоу гъэп­сыгъэ: «уеджагъэмэ — нэмыкIми амал ет еджэнэу». Шъолъыр операторым «уцышъо мэкIаим» игъэпсын сыдми ыгу къэкIыгъэп. ЦIыфмэ тхылъхэр ратэкъужьхэу, пыдза­фэхэм ахэлъхэу контейнермэ зэрарадзэ­хэрэм мафэ къэс зэреуалIэхэрэр ащ ушъхьагъу фэхъугъ. Тхылъ зэтегъэпсыхьагъэхэу джыри цIыфмэ къашъхьапэщтхэр зэрэрадзыжьхэрэр агу къеоу мы Iофым фежьагъэх, шъолъыр операторым иунэ ащкIэ агъэпсэолъагъ.
Мыщ къычIахьэхэрэм язакъоп, зэкIэ шIоигъоныгъэ зиIэмэ тхылъхэр къахьыхэми хъущт.
ООО-у «ЭкоЦентрэм» и Адыгэ шъолъыр къутамэ ипресс-къулыкъу