Ятфэнэрэу зэхащэ
Йогэм ифестиваль ятфэнэрэу республикэм икъэлэ шъхьаIэ мэкъуогъум и 23-м щырагъэкIокIыщт. Ащ кIэщакIо фэхъугъэх Адыгэ Республикэм физическэ культурэмкIэ ыкIи спортымкIэ и Комитетрэ АНО-у «Физическэ культурэмрэ спортымрэ хэхъоныгъэ ашIыным IэпыIэгъу фэхъугъэнымкIэ Гупчэмрэ». Iофтхьабзэр къэлэ гупчэ паркым щыкIощт.
Мы лъэныкъом фэгъэзэгъэ еджэпIэ анахь дэгъухэм ялIыкIохэу Краснодар краим, Адыгеим Iоф ащызышIэхэрэм нахьыжъхэм ыкIи кIэлэцIыкIухэм апае мастер-классхэр къатыщтых. Джащ фэдэу концерт программэр, лекциехэр якIи ермэлыкъыр ащ къыдыхэлъытагъэх.
Йогэм имафэ Сурья Намаскар икомплекс игъэцэкIэнкIэ къызэIуахыщт, ащ ипэублэр пчэдыжьым сыхьатыр 6:30-р ары.