Адыгэ Республикэм и Къэралыгъо Совет — Хасэм ия 37-рэ зэхэсыгъо 2024-рэ илъэсым мэкъуогъум и 13-м зэIуагъакIэ.

ЗытегущыIэщтхэм мы къыкIэлъыкIо­хэрэр ахагъэхьагъэх: законопроектхэу Адыгэ Республикэм и Законхэу «Адыгэ Республикэм муниципальнэ къулыкъур зэрэщызэхэщагъэм ехьылIагъ», «ШIушIэ IофшIэнымрэ волонтерствэмрэ алъэ­ныкъокIэ Iофыгъо заулэхэм язэшIохын ехьылIагъ» зыфиIохэрэм зэхъокIыны­гъэхэр афэшIыгъэнхэм афэгъэхьыгъэхэм ятIонэрэу ахэплъэгъэныр; законопроектхэу «Адыгэ Республикэм 2023-рэ илъэсымкIэ иреспубликэ бюджет гъэцэкIагъэ зэрэхъугъэр», «ШIокI зимыIэ медицинэ страхованиемкIэ ЧIыпIэ фондым ибюджет гъэцэкIагъэ зэрэхъугъэм ехьылIагъ» зыфиIохэрэм апэрэу ахэп­лъэгъэныр; Адыгэ Республикэм и Законхэу мы къыкIэлъыкIохэрэм зэхъокIыныгъэхэр афэшIыгъэнхэм ехьылIагъ: «Адыгэ Республикэм и Къэралыгъо Совет — Хасэм идепутат истатус ехьы­лIагъ», «ЧIыпIэ зыгъэIорышIэжьыным ехьылIагъ», «Адыгэ Республикэм икъэралыгъо мылъку игъэзекIон ехьылIагъ», «ЧIыопс IэзапIэхэм, гъэпсэфыпIэхэм яхьылIагъ» зыфиIохэрэм ыкIи нэмыкI Iофыгъохэм.
Адыгэ Республикэм и Къэралыгъо Совет — Хасэм изэхэсыгъо Адыгэ Рес­публикэм и ЛIышъхьэ и Координационнэ гупчэу Жуковскэм иурам тет унэу N 22-м хэтым пчэдыжьым сыхьатыр 10-м щаублэщт.
Адыгэ Республикэм и Къэралыгъо Совет -— Хасэм
и Тхьаматэу
Владимир Нарожнэр