Кавказ заповедникым хахъо иI. Псэушъхьэ IыгъыпIэу «Лаурэм» дэс Кавказ шъыхьэм щыр къыкIэхъуагъ.

ДжырэкIэ ахэм гу зэщафэ, зэкIэрыкIхэрэп.
Ары пакIошъ, ным шъыхьэ щы­рым зыгорэ къыкIэ­ры­хьэу ыдэрэп. Арышъ, ахэм чыжьэкIэ алъэплъэх.
Джащ фэдэу мэфипшIыкIэ узэкIэIэбэжьмэ къушъхьэ ачъэ щырыр заповедникым хъахъоу ыгъотыгъ. Ар чанэу, ылъакъо тетэу непэ къечъыхьэ. Ветеринархэр пстэуми алъэ­плъэх, ящыкIэгъэ гъомылапхъэхэр арагъэгъотых.

— Непэ зэкIэ зэлъы­тыгъэр ныхэр псэушъхьэ щыр­хэм зэралъыплъэхэрэр ары. Ахэм ежь-ежьырэу ялъфыгъэхэм гъунэ алъафы, агъашхэх. Анэм къыпызыжьхэу яттырэр ашхы зыхъукIэ тэ тиIоф къе­жьэщт, гъомылапхъэр жъгъэеу афызэтедгъэп­хъызэ яттыщт, цIыкIумэ ашхышъунэу дгъэхьазы­рыщт, — къеIо псэушъхьэ IыгъыпIэу «Лаурэм» дэтым ипащэу Чеботарь Дарья.
Къыхэгъэщыгъэн фае, енотхэу ыкIи бэджэ Iэлхэу «Лаурэм» щаIыгъхэм япчъа­гъэ нахьыбэ хъугъэ. Ба­джэ­хэр гъаблэм оды ышIыгъэхэу заповедникым къы­IэкIэхьагъэх. Джы ахэм япсэуныгъэкIэ щынагъо щыIэжьэп.

А пстэумэ анэмыкIэу шъыхьэ къолэнхэм яунагъо хъахъо иIэнэу заповедникым иIофышIэхэр ежэх.
Анцокъо Ирин.
Сурэтхэр: Кавказ заповедникыр.