ФутболымкIэ Адыгеим ичемпионат джырэ уахътэм пэрытныгъэр щызыIыгъыр Красногвардейскэ районым икомандэу «Кавказ Адэмый» зыфиIорэр ары.

БлэкIыгъэ турым мыщ ифутболистхэр Мыекъопэ районыр къэзыгъэлъэгъорэ «Урожаим» дешIагъэх ыкIи 5:0-у текIоныгъэр къы­дахыгъ. Iогоуитфыри къэлапчъэм дэзыдзагъэр Артем Мельник.
Джащ фэдэу Теуцожь районым икомандэу «Чэчэнаир» «Мые­къуапэ» IукIагъ ыкIи 7:1-у ешIэгъур къышIуихьыгъ, ащ ишIуагъэ­кIэ ящэнэрэ чIыпIэм къэкIуагъ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Кавказ Адэмый» — 15.
2. «АГУ» — 9.
3. «Чэчэнай» — 7.
4. «Кощхьабл» — 4.
5. «Урожай» — 3.
6. «Мыекъуапэ» — 0.
   ФутболымкIэ Адыгеим ипервенствэ хэлэжьэрэ ныбжьыкIэ командэхэм яешIакIэ узIэпещэ. БлэкIыгъэ турым «Мыекъуапэ» станицэу Джаджэм ичIыпIэ командэ дешIагъ ыкIи 6:2-у текIоныгъэр къыдихыгъ. Джащ фэдэу Тэхъутэмыкъое районыр «Кавказым» нахь лъэшыгъ, пчъагъэр — 6:2. ТекIоныгъэр къыдэзыхыгъэ командитIум очко зэфэдиз рагъэ­къугъ, пэрытныгъэ аIыгъ ыкIи мэкъуогъум и 13-м ахэр зэIукIэщтых.
   Зэфэхьысыжьхэм къызэрагъэлъагъорэмкIэ, зыкIи къызытемыкIуагъэхэр Тэхъутэмыкъое рай­онымрэ Кощхьаблэрэ якомандэхэр ары. Ау кощхьаблэхэм очкоуитIу чIанагъ.
   Апэрэ къекIокIыгъом иаужырэ ешIэгъур «Джаджэмрэ» «Адыгэкъа­лэрэ» зэдыряIагъ, мыхэр ауж къенэх. НэмыкI командэхэм ащыщ­хэм джыри ешIэгъу заулэ яIэщт. Ащ ыуж ятIонэрэ едзыгъор ауб­лэщт.
   Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:
7. «Тэхъутэмыкъое район» — 15.
8. «Мыекъуапэ» — 15.
9. «Кощхьабл» — 13.
10. «Кавказ» — 13.
11. «Урожай» — 6.
12. «Чэчэнай» — 6.
13. «Джаджэ» — 1.
14. «Адыгэкъал» — 1.