Кобл Якъуб ишIэжь фэгъэхьыгъ
ДзюдомкIэ я 11-рэ Урысые зэнэкъокъухэр мэкъуогъум и 8 — 9-м Мыекъуапэ щыкIощтых.
СССР-м изаслуженнэ тренерэу Кобл Якъубэ ишIэжь фэгъэхьыгъэ турнирым Урысыем и Къыблэ ыкIи къэралыгъом инэмыкI шъолъырхэм яспортсмен пэрытхэр хэлэжьэщтых.
Хъулъфыгъэхэм ыкIи бзылъфыгъэхэм заушэтыщт, ахэр яонтэгъугъэ елъытыгъэу купиблэу гощыгъэщтых. ХагъэунэфыкIырэ чIыпIэхэр къыдэзыхыгъэхэм щытхъу тхылъхэр, медальхэр, кубокхэр, ахъщэ шIухьафтынхэр афагъэшъошэщтых. Финалым ихьагъэхэр Урысыем ичемпионат иаужырэ едзыгъо хэлэжьэнхэу фитыныгъэ къыдахыщт.
Адыгэ къэралыгъо университетым иордэунэу «Кобл Якъуб» зыфиIорэм Iофтхьа-
бзэр щыкIощт, зэнэкъокъухэр пчэдыжьым сыхьатыр 10-м аублэщтых. Мэкъуогъум и 8-м мэфэкI шIыкIэм тетэу турнирыр къызэIуахыщт.