Мыекъуапэ илIыкIохэм текIоныгъэр къыдахыгъ
ГандболымкIэ Краснодар краим иакадемие зэхищэгъэ зэIухыгъэ зэнэкъокъум Мыекъуапэ ипшъэшъэ ныбжьыкIэхэр хэлэжьагъэх ыкIи апэрэ чIыпIэр къыдахыгъ.
2013 — 2014-рэ илъэсхэм къэхъугъэхэр ары зызыушэтыгъэхэр.
Адыгеир къэзыгъэлъэгъуагъэхэр къэлэ спорт еджапIэу С. М. Джэнчатэм ыцIэ зыхьырэм зыщызы-
гъасэхэрэр ары. 2013-рэ илъэсым къэхъугъэхэм азыфагу щыкIогъэ зэнэкъокъум типшъашъэхэм хагъэунэфыкIырэ чIыпIэ къыщыдахын алъэкIыгъэп. Ау 2014-рэм къэхъугъэхэм гъэхъэгъэшIухэр ашIыгъэх, ахэм ешIэгъуи 5 яIагъ. Республикэм илIыкIохэр аIукIагъэх Краснодар, Астрахань ыкIи Волгоград якомандэхэм. ЕшIэгъухэр зэкIэ къахьыгъэх ыкIи къатефэу чемпион хъугъэх. Волгоградрэ Краснодаррэ къэзыгъэлъэгъуагъэхэм ятIонэрэ ыкIи ящэнэрэ чIыпIэхэр къыдахыгъэх.