Урысые физкультурэ-спорт комплексэу «IофшIэным ыкIи зы­къэухъумэжьыным сафэхьазыр» зыфиIорэм къыдыхэлъытэгъэ шапхъэхэм ятын шъухэлэжьэнэу шъурегъэблагъэ Мыекъуапэ физическэ культурэмкIэ ыкIи спортымкIэ и Ко­митет.

Мыщ епхыгъэ зичэзыу Iоф­тхьабзэр мэкъуогъум и 17-м щегъэжьагъэу мэкъуогъум и 23-м нэс республикэ стадионэу «Зэкъошныгъэм» щыкIощт. Зыныбжь илъэси 6-м ехъугъэ­хэм къащегъэжьагъэу нэбгырэ пэпчъ ифизическэ ухьазырыныгъэ ыуплъэкIун ылъэкIыщт. Шапхъэхэр зэрифэшъуашэу зы­тыхэрэм дышъэ, тыжьын ыкIи джэрз бгъэхалъхьэхэр аратых.
Iофтхьабзэм шъухэлэжьэным фэшI сайтэу «www.gto.ru» зыфиIорэм зыщышъутхын фае. Ащ ыуж шапхъэхэр шъутыным шъузэрэфэхьазырыр къэзыушыхьатырэ лъэIу тхылъыр сайтэу «www.orgeo.ru» зыфи­IорэмкIэ къэшъутын, джащ фэ­дэу шъуипсауныгъэ шапхъэхэм зэрадиштэрэр зэрытхэгъэ медицинэ тхьапэр зыдэшъуIыгъын фае. Нахь игъэкIотыгъэ къэбар зэхэщакIохэм ясоци­альнэ хъытыухэм арыжъугъо­тэщт. Джырэ уахътэм ехъулIэу мыщ хэлэжьэнхэу Мыекъуапэ щыпсэурэ нэбгырэ 40-мэ за­рагъэтхыгъ.