Дагъыстан щыщ, илъэс 42-рэ зы­ныбжь Мурад Омаровыр Урысые Федерацием и Уголовнэ кодекс ия 282.2-рэ статья ия 2-рэ Iахь зигугъу къышIырэ бзэджэшIагъэ зэри­хьагъэкIэ (экстремистскэ организацием иIофхэм ахэлэжьагъэкIэ) агъэмысагъ.

ЩынэгъончъэнымкIэ Фе­деральнэ къулыкъум Адыгэ РеспубликэмкIэ и ГъэIорышIапIэ иматериалхэр IэубытыпIэ къызыфашIыхэзэ, уголовнэ Iофыр къызэIуахыгъ.
ГъэIорышIапIэм иIофышIэхэм зэрагъэунэфыгъэмкIэ, пщыныжь язы­гъэхьырэ учреждением щаIыгъызэ, М. М. Омаровыр дунэе движениеу «Арестантское уголовное единство» зыфиIорэм (Урысые Федерацием и Апшъэрэ хьыкум 2020-рэ илъэсым шышъхьэIум и 17-м ышIыгъэ унашъомкIэ экстремистскэу алъыта­гъэм) иIофшIэн хэлэжьагъ. Хьапсдэсхэм ахэтэу хьапс щыIакIэм «шIуагъэу» хи­лъагъохэрэр ащ къафи­Iуатэщтыгъ, дунэе движениеу «Арестантское уголовное единство» зыфи­Iорэм зэрэдыригъаштэрэм, а движением зэрэкъотым бэрэ ягугъу афишIыщтыгъ, цIыфыгъэ шэпхъэ дахэхэу обществэм хэлъхэр къыридзэщтыгъэхэп, правэм апшъэрэ мэхьанэ иIэу зэ­ралъытэрэм дыригъа­ш­тэщтыгъэп, хэбзэ къулыкъухэм ялIыкIохэм джэ­гъогъуныгъэ афыряIэным, жъалымыгъэ адызэрахьаным къафаджэщтыгъ.
ЩынэгъончъэнымкIэ къулыкъухэм Урысыем и Следственнэ комитет Адыгэ РеспубликэмкIэ иследственнэ гъэIорышIапIэ къыIэкIагъэхьэгъэ ма­териалхэр IэубытыпIэ къызыфашIыхэзэ, Урысыем и Уголовнэ кодекс ия 282.2-рэ статья ия 2-рэ Iахь диштэу М. М. Омаровым къыфызэIуахыгъэ уголовнэ Iофыр зэхафыгъ.
Адыгэ Республикэм и Теуцожь район хьыкум Урысыем и Уголовнэ кодекс ия 282.2-рэ статья ия 2-рэ Iахь диштэу М. М. Омаровым илъэси 3 хьапс тырилъхьагъ, пщыныжьыр колонием щихьынэу, илъэс­рэ мэзи 9-кIэ автомашинэхэр зэрифэн фимытэу ыгъэнэфагъ.
Хьыкумым унашъоу ыштагъэм хэбзэ кIуачIэ иIэ хъугъэ.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ипресс-къулыкъу