УФ-м и Следственнэ комитет иследственнэ ГъэIорышIапIэу АР-м щыIэм Iоф хьылъэхэм язэхэфынкIэ иотдел къыугъоигъэ материалхэмкIэ Урысыем хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ иотделэу «Адыгэкъалэ» зыфиIорэм ипащэу Iоф зышIэщтыгъэм уголовнэ Iоф къыфызэIуахыгъ. ИIэнатIэ къызфигъэфеди бзэджэшIагъэ зэрэзэрихьагъэмкIэ ар агъэмысэ.

ЩынэгъончъэнымкIэ федеральнэ къулыкъум и ГъэIорышIапIэу АР-м щыIэр ыкIи АР-м хэгъэгу кIоцI IофхэмкIэ и Министерствэ щынэгъончъэнымкIэ иотдел зэгъусэу уплъэкIунэу ашIыгъэм изэфэхьысыжьхэм уголовнэ Iофыр къакIэлъыкIуагъ.
Следствием ыкIи хьыкумым зэрагъэунэфыгъэмкIэ, 2023-рэ илъэсым тыгъэгъа­зэм Урысыем хэгъэгу кIоцI IофхэмкIэ и Министерствэ гъогурыкIоныр щынэгъончъэнымкIэ иотделэу «Адыгэкъалэ» зыфиIорэм ипащэ иIэнатIэ къызфигъэфеди, ешъуагъэу машинэр зэрифэзэ къагъэуцуи административнэ пшъэдэкIыжь зытыралъхьэгъэ инэIуасэ пIалъэу къыфагъэуцугъэр нахь макIэ ышIыным фэшI ведомствэм ибазэ къэбар нэпцIхэр ригъэхьагъ.
Хьыкумым ышIыгъэ унашъомкIэ пащэу Iоф зышIэщтыгъэм тазырэу сомэ мин 50 тыралъхьагъ, ащ нэмыкIэу къэралыгъо ыкIи хэбзэухъумэкIо, чIыпIэ зыгъэIорышIэжьын къулыкъухэм илъэситIу пIалъэкIэ пэщэ IэнатIэ ащиIыгъын фимытэу унашъо ашIыгъ. Мы уахътэм ехъулIэу унашъом кIуачIэ иIэ хъугъэ.
УФ-м и Следственнэ комитет иследственнэ ГъэIорышIапIэу АР-м щыIэм общественнэ зэпхыныгъэхэмкIэ ыкIи къэбарлъыгъэIэс амалхэмкIэ иотдел ипащэ истаршэ IэпыIэгъу ипшъэрылъхэр зыгъэцакIэу, юстицием иполковникэу КIыкI Бислъан.