Теннис цIыкIумкIэ Урысые зэнэкъокъухэр Санкт-Петербург щыкIуагъэх. Ахэм ветеранхэри ахэлэжьагъэх.

Iофтхьабзэм зыщиушэтыгъ Адыгеим итеннисист анахь цIэрыIоу Анатолий
Ча­пуриным. Я 20-рэ лIэшIэгъум ия 70-рэ илъэсхэм къащегъэжьагъэу я 21-рэ лIэшIэгъум ипэублэ нэс мы спорт лъэпкъымкIэ ащ гъэхъэгъэшIухэр ышIыгъэх, текIоныгъабэ къыдихыгъ. Джырэ уахътэм ыныбжь илъэс 74-м нэсыгъ нахь мы­шIэми, Урысые зэнэкъокъу зэфэшъхьафхэм тишъолъыр зэрифэшъуашэу къащегъэ­лъагъо.
Я 7-рэ классым хэхьэрэ теннисистхэм яунэе зэнэкъокъухэм Анатолий Степан ыкъом ящэнэрэ чIыпIэр къащыдихыгъ. Джащ фэдэу командэу зыхэтым тыжьын медаль къыфагъэшъошагъ. Адаптивнэ спор­тымкIэ республикэ еджапIэм ащ зыщегъасэ, итренерыр Татьяна Олейниковар ары.