Мэкъуогъум и 4-м къыщегъэжьагъэу и 7-м нэс Мыекъопэ къэралыгъо технологическэ университетым социальнэ проектхэм язэIухыгъэ зэнэкъокъум иапэрэ едзыгъо щыкIощт. Гъэсэныгъэ программэу «Къулыкъу ахьызэ рагъаджэх» зыфиIорэм ар къыдыхэлъытагъэу агъэцакIэ.

Студент командэ пэрытмэ ясоциальнэ проект анахь дэ­гъухэм лъэтегъэуцохэр афашIыщтых.
Шъугу къэдгъэкIыжьын, Мые­къопэ къэралыгъо технологическэ университет закъор ары тишъолъыркIэ пилотнэ программэу «Къулыкъу ахьызэ рагъа­джэх» зыфиIорэм игъэцэкIэн хэхьашъугъэр.
2023-рэ илъэсым щылэ мазэм и 29-м Урысыем и Президент унашъоу ышIыгъэм диштэу мы программэр агъэцакIэ. Ар апшъэрэ гъэсэныгъэм ипрограммэу аштагъ.
Модулэу «Къулыкъу ахьызэ рагъаджэх» зыфиIорэр УФ-м шIэныгъэмрэ апшъэрэ гъэсэныгъэмрэкIэ и Министерствэ зэхигъэуцуагъ.
Джырэ уахътэм программэу «Къулыкъу ахьызэ рагъаджэх» зыфиIорэм сэнэхьатэу зыфагъэ­хьазырхэрэм епхыгъэ лъэныкъо 20-м ехъу хэхьагъ, ахэр университетым ыкIи ащ икъутамэхэм ащагъэцакIэх. Социальнэ проектхэм студент 800-м ехъу ыкIи кIэлэегъэджэ 67-рэ адэлажьэ. Апшъэрэ еджапIэм игъу­сэгъу организацие 53-рэ программэм къыхэхьагъэх. Зэ­кIэм­кIи социальнэ проект 60-мэ апылъых.
Проектнэ егъэджэным спе­циалист зэфэшъхьафхэр къыхэ­лажьэх, инженер, врач, эколог, гъэIорышIакIо, маркетолог, айтишник хъущтхэр.
МКъТУ-м
ипресс-къулыкъу