ФутболымкIэ Урысыем изэнэкъокъу иятIонэрэ лигэ щешIэрэ Мыекъопэ «Зэкъошныгъэм» къа­лэу Черкесскэ щыриIэгъэ зичэзыу ешIэгъур шIуахьыгъ, чIыпIэ командэу «Нартыр» нахь лъэшыгъ.

«Нарт» — «Зэкъошныгъ» — 2:1 (0:0).
Зэкъошныгъэм
щешIагъэх:
Т. Хачировыр, И. Оразаевыр, М. Ягьяевыр, А. Хьасанэкъор (М. Кобж), З. Коблыр, А. Зезэра­хьэр (И. Каменевыр), М. Коло­мийцевыр (Д. Савиных), Ш. Гай­даровыр, Н. Сергеевыр, А. Анто­ненкэр (С. Хубежевыр), А. Де­лэ­къор.
Черкесскэ щыкIогъэ ешIэгъур къызэрыкIуагъэп. ЗэIукIэгъур ра­гъэжьэным ыпэкIэ къалэм ошъу къыщехыгъ, ащ ощхыри дыхэтыжьыгъ. Апэрэ таймым «Зэ­къошныгъэр» дэгъоу ешIагъ, къэ­лапчъэм Iэгуаор дадзэнымкIэ тифутболистхэм амал заулэ яIагъ, ау къадэхъугъэп. Апэрэ едзыгъом хьакIэхэми бысымхэми пчъагъэр къызэIуахын алъэ­кIыгъэп.
ЯтIонэрэ таймым «Зэкъошныгъэм» щешIэрэ Зезэрэхьэ Артур пчъагъэр къызэIуихыгъ. Я 58-рэ такъикъым бысымхэм якомандэ хэт Азат Закаевым карточкэ плъыжьыр къырагъэлъэгъуи, ешIапIэм къырагъэкIыгъ. Ау ар Адыге­им илIыкIохэм къызфагъэфедэн алъэкIыгъэп. Я 72-рэ такъикъым «Нартым» хэт Владислав Каблаховым пчъагъэр зэфэдиз ышIыгъ. Ащ бысымхэм кIуачIэ къари-
тыгъ, нахь лъэшэу ыпэкIэ илъхэу рагъэжьагъ ыкIи я 85-рэ та­къи­къым ятIонэрэ Iэгуаор къэлап­чъэм дадзыгъ, 2:1-у текIоныгъэр къыдахыгъ. «Зэкъошныгъэм» зэ­­лъыпытэу ящэнэрэ ешIэгъур шIуа­хьыгъ.
— КъызэрэттекIуагъэр тэркIэ гухэкIышху. Сыда пIомэ тифут­болистхэр дэеу ешIагъэхэп. Iэ­гуаор къэлапчъэм дэтыдзэнымкIэ амалышIухэр тиIагъэх. Ау пчъагъэр къыззэIутэхым ыуж ешIапIэм итхэм язэблэхъункIэ сэ хэукъоныгъэ сшIыгъэ, ащ мыщ фэдэ зэфэхьысыжь къыкIэлъы­кIуагъ. Арышъ, тиешIакIэкIэ щыкIагъэу щыIэхэр дэдгъэзыжьынхэм тыпылъыщт, ыпэкIэ тылъыкIотэщт, — къыIуагъ «Зэкъошныгъэм» итренер шъхьаIэу Бес­­лан Аджинджал.
Турым изэфэхьысыжьхэр:
«Победа» — «Форте» — 1:2, «Спартак-Налщык» — «Алания-2» — 0:0, «Биолог-Новокубанск» — «Рубин Ялта» — 1:2, «Кубань Холдинг» — «Ростов-2» — 1:1, «Легион» — «Ангушт» — 0:1, «Севастополь» — «Строитель» — 0:0, «Динамо Ставрополь» — «Динамо-2» — 3:2, «Нарт» — «Зэкъошныгъ» — 2:1.
Командэхэр зыдэщыт чIыпIэхэр ыкIи очко
пчъагъэу рагъэкъугъэр:

1. «Астрахань» — 20.
2. «Ростов-2» — 19.
3. «Рубин Ялта» — 19.
4. «Севастополь» — 19.
5. «Форте» — 17.
6. «Легион» — 17.
7. «Кубань Холдинг» — 16.
8. «Строитель» — 16.
9. «Динамо Ставрополь» — 16.
10. «Нарт» — 13.
11. «Спартак-Налщык» — 13.
12. «Ангушт» — 12.
13. «Биолог-Новокубанск» —
    12.
14. «Зэкъошныгъ» — 10.
15. «Победа» — 9.
16. «Алания-2» — 8.
17. «Динамо-2» — 2.
    КъыкIэлъыкIощт турым къыды­хэлъытэгъэ зэIукIэгъур «Зэкъошныгъэм» Мыекъуапэ щыриIэщт, Назрань икомандэу «Ангушт» мэкъуогъум и 12-м тихьакIэщт.