ТиIофшIэгъу лъапIэхэр, Адыгеим икомсомол хэтыгъэхэр! Адыгеим икомсомол зызэхащагъэр 2024-рэ илъэсым непэ илъэси 100 мэхъу.
Юбилей шIагъомкIэ тыгу къыддеIэу тышъуфэгушIо! Ленинскэ комсомолымрэ ащ и Адыгэ хэку организациерэ ясатырхэм ахэтыгъэ, зиныбжьыкIэгъу а лъэхъаным тефэгъэ пстэуми ар зэдырямэфэкI.
Адыгеим икомсомол гъогушхо къыкIугъ. Граждан заом илъэхъан апэрэ комсомол купхэр зэхащэхэу аублэгъагъ, ыужкIэ хэгъэгум иныбжьыкIэ движение шъхьаIэ нэбгырэ мин пчъагъэ хэтыгъ. Тихэгъэгу ыкъо мини 100 пчъагъэхэу ащ исатыр хэтыгъэхэр щыIэныгъэ гъогу шъуамбгъом тырищагъэх. Ащ тызэрипIугъэм, комсомол IофышIэу илъэсыбэрэ тызэрэщытыгъэм лъэшэу тарэгушхо.
Адыгеим икомсомол хэтхэм Iашэр аIыгъэу я Хэгъэгу къаухъумагъ, псэолъэшIын IофшIэнхэм ахэлэжьагъэх, уасэу ащ дунаим къыщыфашIырэм зыкъырагъэIэтыгъ.
Тыдэрэ лъэныкъокIи: IофшIэнымкIи, лIыхъужъныгъэ къызыхэгъэфэгъэнымкIи гъэхъагъэхэр ащ ышIыщтыгъэх, опытышхо къызэрэзIэкIигъэхьащтым, кадрэхэм ягъэхьазырын, цIыф зэчыишIухэм япIун-лэжьын ауж итыгъ.
Адыгеим икомсомол ыпIугъэ чIыгулэжьхэм, рабочхэм, наукэмрэ искусствэмрэ яIофышIэхэм, спортсменхэм, къэралыгъо, политическэ Iофы­шIэхэм ацIэхэр къыткIэхъухьащт лIэужхэм ащыгъупшэщтхэп.
Адыгеим икомсомол итарихъ къегъэшъыпкъэжьы ныбжьыкIэхэм ялIэуж пстэухэмкIи ащ осэшхо зэриIагъэр, лъэныкъуабэ къызэлъызыубытырэ ныбжьыкIэ движением изэхэщэкIо чанэу зэрэщытыгъэр.
Комсомолым шIоу къыпкъырыкIыгъэр зэкIэ къэухъумэгъэныр, илъэсипшI пчъагъэхэм опытышIоу щыIэ хъугъэр къызыфэгъэфедэгъэныр не­пэкIэ мэхьанэшхо зиIэ пшъэрылъхэм ащыщ.
Адыгеим икомсомольцэ пстэуми яилъэси 100 юбилейкIэ тафэгушIо! НасыпышIонхэу, псауныгъэ пытэ яIэнэу, Адыгеими, Урысыеми апае текIоныгъакIэхэр ашIынэу тафэлъаIо!
Урысые общественнэ организациеу «Комсомолым ыпIугъэхэр – си Хэгъэгу» зыфиIорэм и Адыгэ республикэ къутамэ ибюро хэтхэр