Адыгэ Республикэм щыпсэухэу лъытэныгъэ зыфэтшIыхэрэр!

МэфэкI нэф шIагъом – кIэлэцIыкIухэм якъэухъумэн и Дунэе мафэ фэшI тышъуфэгушIо!
Урысыем щыпсэурэ лIэужыбэхэмкIэ мы мафэр илъэсым къы­хэфэрэ анахь мэфэ гушIуагъоу гум къинэжьыхэрэм ащыщ. Гъэ­мэфэ зыгъэпсэфыгъо мэфэ гъэшIэгъонхэу хъугъэ-шIагъэхэмкIэ баеу щытхэм ар япхыгъ, кIэлэеджакIохэр дэгуIэхэзэ зажэхэрэ уахът. Жьы къабзэм хэтынхэ, хым кIонхэ, лагерым зыщагъэпсэфын, ягупсэхэм е яныбджэгъухэм ягъусэхэу уахътэр ахэм гъэшIэгъонэу агъэкIон алъэкIыщт.
НахьыжъхэмкIи а уахътэм мэхьэнэ гъэнэфагъэ иIэу щыт. КIэлэцIыкIухэм янеущырэ мафэ зыфэдэщтымкIэ ахэм пшъэдэкIыжь ахьы. КъыткIэхъухьэхэрэм япIун зыгуи, зыпси хэзылъхьэхэрэм тызэрафэразэр непэ джыри зэ хэдгъэунэфыкIы тшIоигъу. Ны-ты­хэм, нэнэжъ-тэтэжъхэм, кIэлэегъаджэхэм, анахьэу етIани кIэлэцIыкIу ибэхэр зыпIунэу зыштэгъэ унагъохэу гуфэбэныгъэ зэрылъхэм инэу тызэрафэразэр къэтэIо. Тихэгъэгу епэсыгъэ цIыфхэу ахэр хъунхэм мыпшъыжьэу дэлэжьэрэ пстэуми яIахьышIу хашIыхьэ урысые обществэм зэгурыIоныгъэ хэлъыным, тикъэралыгъо нахь зэтегъэпсыхьагъэ, нахь кIочIэшхо хъуным.
Ныбджэгъу лъапIэхэр, зэкIэми тышъуфэлъаIо псауныгъэ пытэ, насып, щыIэкIэшIу шъуиIэнэу, шъуикIэлэцIыкIухэм, тигупсэ Адыгеим ыкIи ти Хэгъэгушхоу Урысыем яфедэ зыхэлъ ублэпIэ пстэуми гъэхъагъэхэр ащышъушIынхэу!
Адыгэ Республикэм и ЛIышъхьэу, Урысые политическэ
партиеу «Единэ Россием» и Адыгэ шъолъыр къутамэ
и Секретарэу КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу Владимир Нарожнэр