ХагъэунэфыкIырэ чIыпIитIу къахьыгъ
![Image description](images_upload?image_name=2024/05/спорт-ЛИН.jpg)
Зиакъыл зэщыкIуагъэхэм азыфагу зэхащэгъэ ХэушъхьафыкIыгъэ Олимпиадэм и Урысые Спартакиадэ Адыгеим илIыкIохэм хагъэунэфыкIырэ чIыпIитIу къыщыдахыгъ. Ахэр есын спортымкIэ къахэщыгъэх.
Къалэу Пензэ щыкIорэ зэнэкъокъухэм къэралыгъом ишъолъыр 37-мэ къарыкIыгъэ спортсмен 500-м ехъу хэлажьэ. Адаптивнэ спортымкIэ республикэ еджапIэм зыщызыгъэсэрэ Владимир Ванинымрэ Тамерлан Резаевымрэ Адыгеир Спартакиадэм къыщагъэлъэгъуагъ. Апэрэм текIоныгъэр къыдихыгъ, ятIонэрэм джэрз медаль къыфагъэшъошагъ.