Художественнэ гимнастикэмкIэ Мыекъуапэ ипервенствэ спортсменки 150-рэ фэдиз зэрищэлIагъ. Ахэр унэе ыкIи куп зэнэкъокъухэм ахэлэжьагъэх. Iофтхьабзэр зыщыкIуагъэр спорт еджапэIу В.С. Максимовым ыцIэ зыхьырэм испортзал ары.

Зэфэхьысыжьхэм къызэрагъэлъэгъуагъэмкIэ, спортым имастерхэм япрограммэкIэ къэгъэлъэгъон анахь дэгъу зиIэр Милена Капковар ары. Спортым имастер хъунхэмкIэ кандидатхэм къахэщыгъэр Елизавета Годынюк. Купхэм язэнэкъокъу текIоныгъэр къыщыдахыгъ Арина Мехеда, Полина Зудинам, Маргарита Калугинам, Ксения Осипян, Камила Маркарян ыкIи Хьамыкъо Миланэ.