ХэушъхьафыкIыгъэ дзэ операцием хэла­жьэ­­рэмэ адэIэпыIэрэ фондэу «Хэгъэгум иухъумакIохэр», кIэлэцIыкIухэм ыкIи ныбжьыкIэхэм я Урысые общественнэ-къэралыгъо движениеу «Движение первых» зы­фиIохэ­рэр Урысые творческэ зэнэкъокъоу «ЛIы­хъужъ­мэ яшIэжь тэгъэлъапIэ» зыцIэр зэхащэ.

ХэушъхьафыкIыгъэ дзэ операцием илIыхъужъхэм яшIэжь къэухъумэгъэныр ыкIи гъэлъэпIэгъэныр, мыщ иветеранхэм, хэкIодагъэхэм яунагъохэм арысхэм агу ихъыкIырэр творческэу къыраIотыкIын амал ятыгъэныр, къыткIэхъухьэрэ лIэужхэм лIы­хъужъхэр щысэ афэхъунхэр ыкIи яхэгъэгу шIу алъэгъоу пIугъэнхэр зэнэкъокъум ипшъэрылъ шъхьаIэх.
Мы Iофтхьабзэм иапэрэ едзыгъо мэлылъфэгъум и 3-м аублагъ, бэдзэогъум и 7-м нэс кIощт. ЯтIонэрэр бэдзэогъу и 8-м къыщегъэжьагъуэ шэкIогъум и 4-м нэс зэхащэщт. ШэкIогъум и 5 — 8-м зэфэхьысыжьхэр ашIыщтых ыкIи тыгъэгъэзэ мазэм текIоныгъэ къыдэзыхыгъэхэр мэфэкI шIыкIэм тетэу агъэшIощтых.
Урысые зэнэкъокъоу «ЛIыхъужъмэ яшIэжь тэгъэ­лъапIэ» зыфиIорэм хэлажьэ зышIоигъохэм мыщ пылъ Шапхъэм нахь игъэкIотыгъэу Къэралыгъо фондэу «Хэгъэгум иухъумакIохэр» зыфиIорэм нэIуа­сэ зыщыфашIын алъэкIыщт.