Джэрз медаль къыхьыгъ
КаратэмкIэ Урысыем изэнэкъокъу Московскэ хэкум щыкIуагъ. Адыгеим испортсменкэ ащ джэрз медаль къыщихьыгъ.
Къалэу Видное щызэрэугъоигъэх къэралыгъом испортсмен анахь лъэшхэр. Хэгъэгум ичемпионат, ипервенствэ ыкIи Урысые зэнэкъокъухэм ямедальхэм ахэр афэбэнагъэх, шъолъыр 36-мэ къарыкIыгъэ спортсмен 900-м ехъумэ заушэтыгъ.
Республикэ спорт еджапIэу N 2-м зыщызыгъэсэрэ Лиана Штаховам Адыгеир зэрифэшъуашэу къыгъэлъэгъуагъ. Тренерэу Хьаткъо Ахьмэд ыгъэсэрэ пшъашъэм ящэнэрэ чIыпIэр къыдихыгъ. Ар илъэс 16 – 20 зыныбжьхэм якуп хэтыгъ.