Гъэсэныгъэ гупчэу «Полярис-Адыгея» зыфиIо­рэм испорт еджапIэ иIофшIэн Мыекъопэ районым щыригъэжьагъ.

Адыгэ къэралыгъо университетым епхыгъэ лагерэу «Горная легенда» зыфиIорэм кIэлэцIыкIуи 109-мэ тхьамэфищым къыкIоцI зыщагъэпсэфыщт, спортым, шIэныгъэм, культурэм ыкIи нэмыкI лъэныкъохэм япхыгъэ Iофтхьабзэхэр афызэхащэщтых.
Баскетболым, волейболым, кушъхьэфэчъэ спортым, теннис цIыкIум ыкIи лазертагым апыщэгъэ кIэлэцIыкIухэр спорт еджапIэм щырагъэ­джэщтых.