ФутболымкIэ Адыгеим ипервенствэ иапэрэ къекIокIыгъо мы къэблэгъэрэ зыгъэпсэфыгъо мафэхэм аухыщт. Зэнэкъокъум ныбжьыкIэхэр ары хэлажьэхэрэр.

БлэкIыгъэ турым пэрытынгъэ зыIыгъ командэхэм очкохэр щычIанагъэх. «Кощхьаблэмрэ» «Кавказымрэ» язэдешIэгъу 0:0-у аухыгъ. «Мыекъуапэ» «Урожаим» IукIагъ ыкIи 3:1-у текIоныгъэр къыдихыгъ. «Тэхъутэмыкъое районыр» «Чэчэнаим» нахь лъэ­шыгъ, пчъагъэр – 3:0.
Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Кощхьабл» — 13.
2. «Кавказ» — 13.
3. «Тэхъутэмыкъое район» — 12.
4. «Мыекъуапэ» — 12.
5. «Урожай» — 6.
6. «Чэчэнай» — 3.
7. «Джаджэ» — 1.
8. «Адыгэкъал» — 1.
   Командэхэм джыри тури 7 къапы­щылъ. Мы зыгъэ­псэфыгъо мафэхэм зэдешIэщтхэр:
   «Кавказ» — «Тэхъутэмыкъое район», «Чэчэнай» — «Адыгэкъал» (мэкъуогъум и 1-м), «Джаджэ» — «Мыекъуапэ» (мэкъуогъум и 2-м), «Урожай» — «Кощ­хьабл» (мэкъуогъум и 3-м). ЕшIэгъухэр зэкIэ мафэм сыхьатыр 3-м рагъэжьэщтых.