Зичэзыу зыкI къэралыгъо ушэтыныр я 11-рэ классыр къэзыухыгъэхэм неущ атыщт. ЗипIалъэ къэсыгъэр хьисапыр ары. АР-м и Къэралыгъо аттестационнэ къулыкъу къызэритырэмкIэ, АдыгеимкIэ ар нэбгырэ 1786-мэ атыщт, 1163-мэ — шъхьаIэр, 623-мэ — профильнэр.

Ушэтынхэр пчэдыжьым сыхьатыр 10-м аублэщтых. Шъугу къэдгъэкIыжьын, ахэр зыщыкIощтхэ чIыпIэ 11 республикэм щагъэпсыгъ. ХьисапымкIэ гъэцэкIэнхэм сыхьати 3-рэ такъикъ 55-рэ ателъытагъ. Базовэр ыкIи профильнэр къыхэзыхыгъэ­хэм ягъэцэкIэнхэр зэфэшъхьа­фыщтых. Профильнэм мыгъэ зэхъокIыныгъэхэр фашIыгъэх, гъэцэкIэнхэм яапэрэ Iахь геометриер хагъэ­хьагъ.
Сыда зыдапштэмэ хъущтыр
ЗыкI къэралыгъо ушэтыным ишапхъэ­хэм къазэрэдыхэлъытагъэу, паспортыр ыкIи къэлэм шIуцIэр кIэлэеджакIохэм аIыгъын фае. Ащ фэшъхьафэу къэбар лые зытемыт линейкэр. НэмыкIэу ищыкIагъэр зэкIэ ушэтыпIэм къащаратыщтых.
Ушъхьагъу зэфэшъхьафхэм апкъ къи­кIэу жъоныгъуакIэм и 31-м къэралыгъо ушэтыным къемыкIолIэшъущтхэм, е ищыкIэгъэ пчъагъэр изымыгъэкъушъугъэхэм мэкъуогъум и 20-р хьисапымкIэ мэфэ тедз. Баллэу къахьыгъэр зыгъэтэрэзыжьынэу фэещтхэм бэдзэогъум и 5-р афагъэнэфагъ. Мы илъэсым кIатыкIыжьын алъэкIыщтхэр урысыбзэмрэ хьисапымрэ.
Шъугу къэдгъэкIыжьын, зыкI къэралыгъо ушэтынхэр жъоныгъуакIэм и 23-м аублагъэх. Географиер, химиер, литературэр ыкIи урысыбзэр атыгъахэх.
Анцокъо Ирин.