Социальнэ хъытыухэр, интернет нэкIубгъохэр къызфагъэфедэхэзэ бзэджашIэхэм къэбар нэпцIхэр зэлъашIэрэ цIыфхэм, политическэ ыкIи общественнэ IофышIэхэм, IэнатIэ зыIыгъхэм ацIэкIэ къы­рагъахьэх.
Джырэблагъэ джащ фэдэу Адыгеим и ЛIышъхьэ ыцIэкIэ телеграм-нэкIубгъо нэпцI къы­зэIуахыгъ ыкIи иIофшIэгъу заулэхэм зафагъэзагъ. Ащ фэгъэхьыгъэ къэбарыр инэ­кIубгъо къыригъэхьагъ республикэм ипащэ.
«МыуплъэкIугъэ, шъузэ­джэнджэшырэ къэбархэм шъуафэсакъынэу, социальнэ хъытыухэмрэ мессенджер­хэмрэ щынэгъончъэу гъэфедэгъэнхэмкIэ щыIэ амалхэм шъунаIэ атежъугъэтынэу сышъолъэIу», — къащитхыгъ исоциальнэ нэкIубгъохэм КъумпIыл Мурат.