Мы хъугъэ-шlагъэр Тэхъутэмыкъое районым икъуаджэу Бжыхьэкъое­жъым къыщыхъугъ.
«Пэшlорыгъэшъэу зэрагъэунэфы­гъэмкlэ, жъоныгъуакlэм и 27 — 28-м, чэщым бзылъфыгъитlурэ зы хъулъфыгъэрэ псыхъо lушъом зыщагъэпсэфыщтыгъ. Псым хэсыгъэ бзылъфыгъэр псы чъэрым зырехьыжьэм, ащ IэпыIэгъу фэхъунхэу, игъусэхэр хэхьагъэх. Куо-хьаур зэхэзыхыгъэ гъунэгъулlыр мыщ къэчъагъ ыкlи зы хъулъфыгъэмрэ бзылъфыгъэмрэ къыгъэнэжьыгъэх, ау ежьыррэ ятlонэрэ бзылъфыгъэмрэ агъотыжьыгъэхэп, псым ыхьыгъэх», — къеты УФ-м и Следственнэ комитет Адыгеимкlэ иследственнэ ГъэIорышIапIэ ипресс-къулыкъу.
Джырэкlэ псыхъо нэзым лъыхъон— къэгъэнэжьын lофтхьабзэхэр щэкlох, шыхьатхэм адэгущыlэх.