Лъэпкъ проектэу «ПсэупIэр ыкIи къэлэ щыIакIэр» зыфиIорэм къы­дыхэлъытагъэу, Адыгеим икъэлэ шъхьаIэ дэт фэтэтэ­рыбэу зэхэт унэхэм ящагухэм язэтегъэпсыхьан лъэкIуатэ. 2024-рэ илъэсым пстэумкIи ащ фэдэ щагу 21-рэ зэтырагъэпсыхьанэу агъэнэфагъ.

Непэрэ мафэм ехъулIэу щагу 13-мэ IофшIэнхэр ащаухыгъэх: транспортхэр зэрыкIорэ гъогу Iахьхэр агъэкIэ­жьыгъэх, автомобильхэр зыдагъэуцущт ыкIи зыгъэпсэ­фыпIэ чIыпIэхэр, тротуархэр, унэ чIэхьапIэхэр зэтырагъэ­псыхьагъэх. Джащ фэдэу тIы­сыпIэхэр, хэкIхэр зэратэкъощтхэр, спорт ыкIи джэгупIэ псэуалъэхэр адагъэуцуагъэх. ТIэкIу тешIэмэ, площадкэхэр къызэлъызыубытырэ чIыпIэхэм ахэр зыухъумэщтхэ хьашъо техъохэр атыралъхьащт.

«Единэ Россием» ипартийнэ проектэу «Къэлэ псэукIэр» зыфиIорэр ыкIи республикэм ипащэу КъумпIыл Мурат иIэпыIэгъу яшIуагъэкIэ щагухэм теплъакIэ яIэ мэхъу.
АгъэцэкIэжьыщт щагур къэ­лэгъэпсыным ипрограммэ ичэзыу хагъэуцоным пае псэупIэ-коммунальнэ хъызмэтымкIэ гъэIорышIапIэм лъэIу тхылъ IэкIагъэхьан фае. Щагум ыкIоцI зыфэдэщтыр, ащ да­гъэуцощтхэр изыхъухьэрэр унэ­хэм ачIэс цIыфхэр ары.
Зэрагъэнэфагъэм тетэу, мы илъэсым игъэмэфэ лъэхъан екIыфэ IофшIэнхэр аухыщтых.