Урысыем и Мафэрэ кушъхьэфа­чъэм и Дунэе мафэрэ яхъулIэу къа­лэу Мыекъуапэ игупчэ урамхэм (Пролетарскэмрэ Пионерскэмрэ) кушъхьэфачъэкIэ къащызэпэчъэщтых — километрэ 18 гъогоу зэпачыщтыр.

Iофтхьабзэм хэлэжьэщтхэр Зэкъошныгъэм игупчэ къыщызэрэугъоищтых, урамхэу Пионерскэмрэ Лермонтовым ыцIэ зыхьырэмрэ зыщызэуталIэхэрэм дэжь ар щырагъэжьэщт. Мыр зэнэкъокъоп, ау зэхэщакIохэм зэра­гъэнафэрэмкIэ, нэбгырэ мин заулэ хэлэ­жьэнэу ары.
Зэкъошныгъэм игупчэ пхъэдзхэр щыра­дзэщтых, творческэ купхэр зыхэлэжьэщтхэ концерт щыкIощт. Сыхьатыр 8-м щегъэжьагъэу 9.40-м нэс Iофтхьабзэм хэлэжьэщтхэр атхыщтых, сыхьатыр 10-м къызэпэчъэныр рагъэжьэщт, 12-м аухыщт.
Нэужым лъэныкъо зэфэшъхьафхэмкIэ анахьыжъэу ыкIи анахьыкIэу ащ хэлэжьа­гъэм, спортым нахь лъэшэу пыщэгъэ уна-­
гъом, шъошэ анахь дахэ зыщыгъым ыкIи нэмыкIхэм шIухьафтынхэр аратыщтых.
Зыныбжь илъэс 14-м нэмысыгъэхэм ­Зэкъошныгъэм игупчэ зэнэкъокъу ащы­фызэхащэщт.
Фестивалым ипартнерых: радиоу «КъэзыIорэр Мыекъуапэ», СберБанк, «Точка Отрыва», «Байк Центр», «Велоцентр», «Цитрус», «Титан», «Fitnes Star» зыфиIохэрэр, партиеу «Единэ Россием» и Адыгэ шъолъыр къутамэ.