Фракцием идепутатхэм партиеу «Единэ Россием» иштабэу Адыгеим щыIэм цIыфхэр щырагъэб­лэгъэнхэр, Iофыгъо зэфэшъхьаф­хэм язэшIохынкIэ IэпыIэгъу щафэхъунхэр хабзэ афэхъугъ.
Мыекъуапэ икъэлэ Совет идепутатэу, хэбзэгъэуцу ныбжьыкIэхэм я Палатэу ФедерациемкIэ Советым щызэхэщагъэм хэтэу, Адыгеим и НыбжьыкIэ гвардие ипащэу Бэрзэдж Асет бэмышIэу цIыф­хэр мыщ щыригъэблэгъагъэх.
«Тиреспубликэ ис нэбгырэ пэпчъ фитыныгъэ иI IэпыIэгъу рагъэгъотынэу. ЦIыфхэр зэредгъэбла­гъэхэрэр ащкIэ амалышIухэм зэу ащыщ. Ахэм ягумэкIыгъохэм защагъэгъуазэзэ, Iофыгъоу къэтэджыгъэхэр нахьышIоу зэрэзэшIуахыщт шIыкIэр къагъотыным депутатхэр пы­лъых», — къыIуагъ Бэрзэдж Асет.
Штабым рагъэблэгъэнхэм пае «линие плъырым» ителефонэу 8 (8772) 52-76-03-мкIэ зарагъэтхын е Мыекъуапэ иурамэу Пролетарскэм тет унэу N 409-м зыфагъэзэн алъэкIыщт.