Уголовнэ Iоф къыфызэIуахыгъ
Урысыем и Следственнэ комитет Адыгэ РеспубликэмкIэ иследственнэ ГъэIорышIапIэ МыекъуапэкIэ иследственнэ отдел муниципальнэ образованиеу «Къалэу Мыекъуапэ» иадминистрацие ипащэ иапэрэ гуадзэу щытыгъэм уголовнэ Iоф къыфызэIуихыгъ. Урысые Федерацием и Уголовнэ кодекс ия 286-рэ статья иа 1-рэ Iахь зигугъу къышIырэ бзэджэшIагъэр зэрихьагъэкIэ (иIэнэтIэ полномочиехэм аригъэхъугъэкIэ) ащ егуцафэх.
Урысыем и Следственнэ комитет Адыгэ РеспубликэмкIэ и ГъэIорышIапIэ иматериалхэр IэубытыпIэ къызыфашIыхэзэ, уголовнэ Iофыр къызэIуахыгъ.
Следствием зэригъэунэфыгъэмкIэ, 2023-рэ илъэсым ижъоныгъокIэ-мэкъуогъу мазэхэм муниципальнэ образованиеу «Къалэу Мыекъуапэ» иадминистрацие ипащэ иапэрэ гуадзэ къыфэIорышIэрэ IофышIэхэм хэбзэнчъэу пшъэрылъ афишIыгъ машIом зыкъызэриштагъэмкIэ псынкIэу макъэ языгъэIурэ пкъыгъохэр Мыекъуапэ иорганизациехэу гъэсэныгъэ языгъэгъотыхэрэм апэрэ чэзыоу ащыгъэуцугъэнхэмкIэ зэзэгъыныгъэ сатыу организациехэм ащыщ горэм дашIынэу. Ащ иунашъо агъэцакIэзэ, хэбзэгъэуцугъэр аукъуагъ, машIом зыкъызэриштагъэмкIэ макъэ языгъэIурэ пкъыгъохэмрэ автоматическэ мэшIогъэкIосэ сигнализациемрэ псынкIэу афэгъэуцугъэнхэмкIэ гъэсэныгъэ языгъэгъотырэ организациехэмрэ пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэмрэ зэзэгъыныгъэ заулэ зэдашIыгъ. Ахэм апкъ къикIыкIэ хъызмэтым изехьан пылъ куп заулэмэ яфитыныгъэхэр укъуагъэ хъугъэ, обществэми, къэралыгъоми чIэнэгъэ шIукIае ашIыгъ.
Уголовнэ IофымкIэ следственнэ Iофхэр лъэгъэкIуатэх.