Нэбгырэ 30-м ехъу хэлэжьагъ
![Image description](images_upload?image_name=2024/05/IMG_1242-scaled.jpg)
еннис цIыкIумкIэ Мыекъуапэ ичемпионат мы мафэхэм рагъэкIокIыгъ. Зыныбжь илъэс 35-м ехъугъэ спортсмен 30-м ехъу ащ хэлэжьагъ.
Ветеранхэм ятурнир Адыгэ къэралыгъо университетым физическэ культурэмкIэ ыкIи спортымкIэ и Институт испортзал щыкIуагъ. Адыгэ Республикэм, Краснодар краим, Нижегородскэ хэкум ялIыкIохэм, зэкIэмкIи нэбгырэ 32-мэ, заушэтыгъ.
Зэнэкъокъум хэлажьэхэрэр аныбжь елъытыгъэу купитIоу гощыгъагъэх. Бзылъфыгъэхэр нэбгыри 4 ныIэп зэрэхъущтыгъэхэр. ТекIоныгъэр къыдэзыхыгъэр Мыекъуапэ щыпсэурэ Людмила Шумскаяр ары. ЯтIонэрэ чIыпIэр къыфагъэшъошагъ къуаджэу Хьатикъуае щыщ Надежда Трофимовам, ящэнэрэ хъугъэ Адыгэкъалэ къэзыгъэлъэгъогъэ ЯхъулIэ Нэфсэт.
![](images_upload?image_name=2024/05/IMG_1199-1024x683.jpg)
Зыныбжь илъэс 60-м къехъугъэ хъулъфыгъэхэм язэнэкъокъу текIоныгъэр къыщыдихыгъ республикэм икъэлэ шъхьаIэ щыщ Анатолий Чапуриным, ятIонэрэ чIыпIэр фагъэшъошагъ станицэу Крыловскаям щыпсэурэ Василий Бабяк, джэрз медаль къыхьыгъ Шытхьалэ илIыкIоу Геннадий Лактионовым.
![](images_upload?image_name=2024/05/призеры-теннис-35--1024x768.jpg)
Илъэс 35 — 39-рэ зыныбжьхэм якуп чемпион щыхъугъ Мыекъуапэ къэзыгъэлъэгъогъэ Дмитрий Гончаровыр. Ар финалым Ермэлхьаблэ щыщ Сергей Муратовым щыIукIагъ ыкIи 3:2-у текIуагъ. Джэрз медаль къыфагъэшъошагъ поселкэу Яблоновскэм щыщ Виталий Лозинскэм.
Турнирым изэхэщакIохэм IэпыIэгъу къафэхъугъэх къэлэ спорт еджапIэу N 2-м зыщызыгъэсэрэ теннисист ныбжьыкIэхэр. Ахэр зэнэкъокъу гъэшIэгъон зэреплъыгъэхэм дакIоу судьям ипшъэрылъхэр агъэцэкIэнхэ амал яIагъ.