Мыекъуапэ илIыкIохэр анахь лъэшых
БоксымкIэ Джэджэ кIэлэцIыкIу спорт еджапIэм изэIухыгъэ
первенствэ гъэшIэгъонэу кIуагъэ.
Олимпийскэ чемпионэу А. Ж. Галстян ыцIэ зыхьырэ псауныгъэр зыщагъэпытэрэ физкультурэ комплексым щыкIогъэ зэнэкъокъум Адыгеим, Краснодар краим ыкIи Белгородскэ хэкум яспортсменхэр хэлэжьагъэх, зэкIэмкIи 128-рэ.
Илъэси 10 — 16 зыныбжь кIалэхэм ыкIи пшъашъэхэм мы мафэм заушэтыгъ, ахэр купищэу гощыгъагъэх.
Зэфэхьысыжьхэм къызэрагъэлъэгъуагъэмкIэ, республикэм икъэлэ шъхьаIэ икомандэ анахь медалыбэ къыхьыгъ, ятIонэрэ чIыпIэм щыт Белгородскэ хэкур, Мыекъопэ районым илIыкIохэр ящэнэрэх.