Зыщыщ гъэтхэ мэзищымкIэ мэфэкI­хэмкIэ анахь баир жъоныгъуа­кIэр ары. И 1-р – гъатхэм ыкIи IофшIэным яй; и 9-р — ТекIоныгъэм и Маф.

Адыгэ ыкIи урыс тхэкIо цIэ­рыIуабэ къызы­хъугъэр жъоныгъуакIэм и 9-р ары. Мы мафэр анахь огъул дэдэу, нэфынэу, гупсэфэу, чэфэу, фабэу мэфэпчъым хэт. Мы мафэм е мазэм къэхъугъэ нэбгырабэр зэчый дахэкIэ Тхьэр къызэтагъэх — усакIох, сурэтышIых, чIыгулэжь гъэшIэгъоных, режиссерых, актерых, шIэныгъэлэ­жьых, врачых, IэпэIасэх, лъэпкъым паемэ — псэемыблэжьых.
ЖъоныгъокIэ мазэр адыгэ­хэмкIэ нэшхъэй макIэр зыхэлъ: я ХIХ-рэ лIэшIэгъум щыIэгъэ Кавказ заом ишIэжь-шъыгъо Мафэ щыхагъэунэфыкIы.
Ау щыIакIэр зы чIыпIэ итэп: къиныр текIы, шIур къэкIуатэ. Шъхьафит щыIакIэм ылъапсэ мэпытэ; советскэ кIэлэеджэкIо цIыкIухэмкIэ мэхьанэшхо зиIэгъэ мэфэкIэу — пионерхэм я Мафэ — жъоныгъуакIэм и 19-м, ащ ыпаIоу, цIыф лъэпкъымкIэ осэшIу зиIэ тарихъ лэ­жьэпIэшхо­хэу — музейхэм я Мафи мыщ щы­хэтэгъэунэфыкIы. Арышъ, щэч хэлъэп, жъо­ныгъуакIэр мэзэ огъул, ишъуаши дахэ, ыкупкIи ушъагъэ.