Тэ, адыгэхэм, Тхьэр къыт­фэупсагъэу, лъэпкъ шэн-хэбзэ дахэхэр, зекIо­кIэ-гъэпсыкIэхэр, акъы­лыгъэр зэкIэ зыщыгъэу­нэфыгъэр — «адыгагъэ­кIэ» заджэхэрэр къытфигъэшъошагъ.

НэмыкI кавказ цIыф лъэп­къыбэм ялъытыгъэмэ, тэ зызакъор ары лъэпкъыцIэмкIэ зишэн-хабзэхэм яджагъэр ыкIи ар тарихъым хэхьагъ, адыга­гъэр зые лъэпкъым илэгъу, ынап, иакъыл.
Тишэн-хэбзэ дахэхэм, анахь шъхьаIэу щыт уинахьыжъ плъы­тэныр, бгъэшIоныр, уфэсакъыныр, шъхьэкIафэ фэпшIыныр.
Нахьыжъ-нахьыкIэ зэфыщытыкIэхэм гъунэ алъафэу адыгэхэр къырэкIох:
— нахьыжъым игъогупэ зэпачырэп;
— нахьыжъ унэм къихьэмэ фэтэджых;
— ыпашъхьэ нахьыкIэхэр щытIысыхэрэп;
— нахьыжъым иIанэ имы­лэгъу тIысырэп;
— нахьыжъым ебгъуохэрэп, гъогу раты; зыгорэкIэ фаехэ зыхъукIэ лъыджэхэрэп, шъхьэ­кIафэ хэлъэу, лъэкIох, кIахьэ­хэшъ, яшIоигъоныгъэ раIо.
Нахьыжъхэр — гъашIэ зыгъэ­шIагъэх, Iушых, гупкIэх, гукIэгъушIэх. Ахэм къорэлъф-пхъорэлъфхэр ыкIи сабыйхэр зэкIэ якIасэх, ежь Тхьэм къаритыгъэ кIэлэцIыкIухэри акуашъо тесэу апIух.
КIэлэцIыкIу-пшъэшъэцIыкIу хъупхъэхэми а зэкIэ къагурыIоу, ахэр шIу алъэгъух, агъашIох, алъытэх. Арыщтын зыкIаIорэр «Жъыр зыщалъытэрэм, кIэр щышIу». НэмыкI гущыIэжъ шIагъуи щыI: «Жъыр зыгъашIорэр цIыфхэм шIу алъэгъу».
Арышъ, кIэлэцIыкIухэр! Зы­жъугъэхъупхъ, зыжъугъэIорышI! Джащыгъум, шъунасыпышIощт!